Laufásprestakall

Æskulýðsfundur hjá æskulýðsfélaginu Skjálfanda verður í Þorgeirskirkju að kvöldi öskudags 22. febrúar kl. 19.00.  Umræða um æskulýðsmót á Hrafnagili næstu helgi, vöfflur og leikir.  Opin kyrrðarstund í lokin kl. 20.30.  Hugljúfir tónar og bænir.  Sjáumst í Þorgeirskirkju!

Kirkjuskóli verður í Lundarbrekkukirkju í Bárðardal laugardaginn 18. febrúar kl. 14.00.  Biblíusaga, biblíumynd, Hafdís og Klemmi, brúður koma í heimsókn og söngur fyllir kirkju og dal.  Þið eruð öll svo hjartanlega velkomin, háir sem lágir, stórir sem smáir.  Sjáumst í kirkjuskólanum!!

Biblíudagurinn verður haldinn hátíðlegur í Þorgeirskirkju með messu sunnudaginn 12. febrúar kl. 14.00. Gengið verður að borði Drottins og munu verðandi fermingarbörn taka virkan þátt í þeirri göngu með ástvinum sínum og söfnuði en fermingar nálgast víst óðfluga. Dagný Pétursdóttir organisti og kórstýra leiðir sálmasönginn og kirkjukórinn verður þar jafnframt í lykilhlutverki.  Molasopi í safnaðarstofu að lokinni stund.  Verið öll hjartanlega velkomin!

Messur verða á Grenivík og Svalbarðsseyri sunnudaginn 5. febrúar.  Í Grenivíkurkirkju verður messað kl. 14 og á Grenilundi verður stund kl. 16.  Kvöldmessa verður í Svalbarðskirkju kl. 20.30.  Vakin skal sérstök athygli á því að ekki verður messað í Svalbarðskirkju kl. 11 heldur um kvöldið kl. 20.30. Lögð er rík áhersla á að fermingarbörn mæti með ástvinum sínum og gangi til altaris en nú líður að fermingum!  Hjörtur Steinbergsson organisti stýrir tónlistinni og kirkjukórarnir syngja.  Verið öll hjartanlega velkomin!!

Æskulýðsfélagið Skjálfandi verður með fyrsta fund sinn á nýju ári í Þorgeirskirkju miðvikudaginn 25. janúar kl. 19.00.  Á fundinum verður æskulýðsmót á Hrafnagili 24.-26. febrúar kynnt.  Öll ungmenni í 8.-10. bekk velkomin!  Æskulýðsfundurinn endar á kyrrðarstund kl. 20.30 sem er öllum opin.  Sjáumst í kirkjunni!

Vakin skal athygli á fermingarbörnum og dögum árið 2012 en nánar má kynna sér það þegar farið er inn á link hér hægra megin á síðunni.

Kirkjustarfið í Laufásprestakalli hefst aftur á nýju ári 15. janúar með sunnudagaskólum í Svalbarðskirkju kl. 11.00 og Grenivíkurkirkju kl. 13.00.  Allir velkomnir!

Aftansöngur í Grenivíkurkirkju á gamlárskvöld kl. 18.00.  Kirkjukórinn syngur undir stjórn Hjartar Steinbergssonar.

Nýársguðsþjónusta í Draflastaðakirkju 2. janúar 2012 kl. 14.00.  Kirkjukórinn syngur undir stjórn Dagnýjar Pétursdóttur.

Verið velkomin og gleðilegt nýtt ár!

Kæru sóknarbörn í Laufásprestakalli og aðrir landsmenn!

Yður er í dag frelsari fæddur! Guð gefi ykkur heilaga og bjarta jólahátíð og farsæld og frið á nýju komandi ári 2012.  Sóknarprestur.

Aðfangadagur jóla. 24. desember kl. 16.00. Aftansöngur í Svalbarðskirkju. Gunnar Björn Jónsson syngur einsöng……. Lesa áfram …